පාර්ලිමේන්තු මන්ත්‍රි රිෂාඩ් බදියුදීන් මහතාගේ නිවසේ මීට පෙර සේවය කළ කාන්තාවකට ලිංගික අතවර කිරීමේ සිද්ධියක් සම්බන්ධයෙන් මන්ත්‍රිවරයාගේ බිරිදගේ සහෝදරයෙකු පොලිසිය විසින් අත්අඩංගුවට ගෙන තිබෙනවා.
බදියුදීන් මහතාගේ නිවසේ සිටි වයස අවුරුදු 16ක මෙහෙකාර දැරියක මරණයට පත්ව්ීමේ සිද්ධියේ විමර්ශණයට අදාලව ප්‍රකාශ සටහන් කරගැනීමේදී අනාවරණ වූ තොරතුරකට අනුව මෙම සැකකරු අත්අඩංගුවට ගත් බවයි පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා කියා සිටියේ.
රිෂාඩ් බදියුදීන් මහතාගේ නිවසේ මීට පෙර සේවය කළ කාන්තාවකගෙන්ද ප්‍රකාශ සටහන් කරගෙන තිබූ අතර මන්ත්‍රිවරයාගේ බිරිදගේ සහෝදරයෙකු විසින් තමන්ව දෙවරක් ලිංගික අතවරයට ලක්කළ බව අදාල කාන්තාව එහිදී පවසා තිබෙනවා.
