පවතින කොවිඩ් වසංගත අවදානම හේතුවෙන් එළඹෙන 16 වෙනිදා සිට නැවත දැනුම්දෙනතුරු මෝටර් රථ ප්‍රවාහන දෙපාර්තමේන්තුවේ නාරාහේන්පිට සහ වේරහැර ශාඛා කාර්යාල වසා දැමීමට තීරණය කර තිබෙනවා.
ප්‍රවාහන රාජ්‍ය අමාත්‍ය දිලුම් අමුණුගම මහතා නිව්ස් රේඩියෝවට කියා සිටියේ එම කාර්යාල වල නිළධාරීන් / සේවකයින් සහ ආරක්ෂක අංශ සාමාජිකයින් කිහිපදෙනෙක්ම කොවිඩ් ආසාධිතයින් බවට තහවුරු වීමත් සමග මෙම පියවර ගත් බවයි.
කෙසේවෙතත් හෙට දිනයේදී වේලාවන් වෙන්කරගෙන ඇති සේවාදායකයින් සදහා පමණක් සේවා කටයුතු සාමාන්‍ය පරිදි සැපයෙන බවද රාජ්‍ය අමාත්‍යවරයා කියා සිටියා.
එමෙන්ම සියලු රියදුරු බලපත්‍ර වල වලංගු කාල සීමාව මෙම වසරේ දෙසැම්බර් 31 වනදා දක්වා දීර්ඝ කර ඇති බවත් අවශ්‍ය වුවහොත් එම කාලය තවදුරටත් දීර්ඝ කරන බවත් දිලුම් අමුණුගම මහතා නිව්ස් රේඩියෝවට කියා සිටියා.
