පී සී ආර් සහ ඇන්ටිජන් පරීක්ෂණ සඳහා ඉදිරි සතියේදී පාලන මිලක් නියම කරන බව පාරිභෝගික කටයුතු රාජ්‍ය අමාත්‍ය ලසන්ත අලගියවන්න මහතා පවසනවා.
පී සී ආර් පරීක්ෂණ සිදු කරනු ලබන රෝහල් 45 ක් සහ ඇන්ටිජන් පරීක්ෂණ සිදුකරනු ලබන රෝහල් 43 ක් පාරිභෝගික අධිකාරියේ දිස්ත්‍රික් 21 ක නිලධාරීන් විසින් පරීක්ෂාවට ලක් කර තිබෙනවා.
එහිදී අනාවරණ වී ඇත්තේ විවිධ රෝහල් එම පරීක්ෂණ සඳහා විවිධ වූ ගාස්තු අය කරන බවයි.
ඒ අනුව පී සී ආර් පරීක්ෂණයක් සඳහා රුපියල් 5000 සිට රුපියල් 9500 දක්වා මුදලක් ද / ඇන්ටිජන් පරීක්ෂණයක් සඳහා රුපියල් 2000 සිට 5900 දක්වා පරාසයන්හි අය කිරීම් සිදු කරන බවටද අනාවරණ වී තිබෙනවා.
ඒ අනුව ලබන සතිය වන විට එම පරීක්ෂණ සඳහා මිල පාලනයක් නියම කිරීමට කටුයුතු කරන බවයි පාරිභෝගික කටයුතු රාජ්‍ය අමාත්‍ය ලසන්ත අලගියවන්න මහතා කියාසිටියේ.
