එල් ටී ටී ඊ සංවිධානයේ හිටපු බුද්ධි අංශ සාමාජිකයෙකු වන තංගවේලු නිමලන් නමැත්තාට කොළඹ මහාධිකරණය විසින් ජීවිතාන්ත සිර දඩුවමක් නියම කර තිබෙනවා.
ඒ අධිබලැති පුපුරණ ද්‍රව්‍ය කිලෝ 02 ක් පමණ ලග තබා ගැනීමේ චෝදනාවකට වරදකරු බවට පත්වීම හේතුවෙනුයි.
මෙම තැනැත්තාට එරෙහිව අධි චෝදනා ගොණු කර තිබුණේ 2011 වසරේදියි. මොහුට එරෙහිව තවත් නඩු කිහිපයක්ද විභාගවෙමින් පවතිනවා.
2007 වසරේ මැයි 28 වනදා රත්මලානේදී විශේෂ කාර්ය බළකා නිළධාරීන් රැගත් ට්‍රක් රථයකට ක්ලේමෝ බෝම්බ ප්‍රහාරයක් එල්ල කිරීම සහ 2009 වසරේ පෙබරවාරි 07 වනදා කුරුණෑගල මාළිගාපිටිය ක්‍රීඩාංගණයේදී පැවති මැතිවරණ රැළියකදී වේදිකාව අසල බෝම්බයක් අටවා එය පුපුරුවා හැර එවක ජනාධිපතිවරයා ඝාතනයට තැත් කිරීම ඒ අතර වනවා.
2009 වසරේ මාර්තු 13 වන දින අකුරැස්ස ගොඩපිටිය ප්‍රදේශයේදී පල්ලියක පැවති උත්සවයකදී මරාගෙන මැරෙන බෝම්බකරුවෙකු විසින් අමාත්‍යවරයෙකු – ප්‍රාදේශීය සභා මන්ත්‍රීවරයෙකු ද ඇතුලුව පුද්ගලයන් 46 දෙනෙකු ඝාතනය සහ 2009 වසරේ අගෝස්තු 05 වනදා පැවති ඌව පළාත් සභා මැතිවරණ ජන රැළියකදී බෝම්බයක් පුපුරුවා හැර එවක ජනාධිපතිවරයා ඝාතනයට තැත් කිරීම සම්බන්ධයෙන්ද සැකකරුට එරෙහිව නඩු විභාග ක්‍රියාත්මකයි.
