එල් පී එල් තරගාවලියේ ඊයේ රාත්‍රියේ පැවති තරගයෙන් එක් ළකුණක තියුණු ජයක් අත්කර ගැනීමට දඹුල්ල ජයන්ට්ස් කණ්ඩායම සමත්වුණා.
කොළඹ ආර් ප්‍රේමදාස ක්‍රීඩාංගණයේ පැවති තරගයේ පළමුවෙන් පන්දුවට පහරදුන් දඹුල්ල කණ්ඩායම නියමිත පන්දුවාර 20 අවසානයේ කඩුලු 09 ක් දැවී රැස්කල ළකුණු සංඛ්‍යාව 138 ක්.
නිරෝෂන් දික්වැල්ල ළකුණු 30 ක්ද සොහෙබ් මක්සූඩ් ළකුණු 24 ක්ද ලබාගත්තා.
රවී රාම්පෝල් ළකුණු 27 කට කඩුලු 03 යි.
පිළිතුරු ඉණිම ක්‍රීඩා කල කළම්බු ස්ටාර්ස් කණ්ඩායමට නියමිත පන්දුවාර 20 අවසානයේ කඩුලු 08 ක් දැවී ලබාගත හැකිවූයේ ළකුණු 137 ක් පමණයි.
දිනේෂ් චන්දිමාල් නොදැවී 65 යි. ධනංජය ද සිල්වා 33 කට දැවී ගියා.
තරිඳු රත්නායක ළකුණු 18 කට කඩුලු 03 යි.
අද තවත් තරග 02 ක් පැවැත්වෙනවා.
ජැෆ්නා කිංග්ස් සහ කැන්ඩි වොරියර්ස් අතර තරගය පස්වරු 03 ටත් / කළම්බු ස්ටාර්ස් සහ ගෝල් ග්ලැඩියේටර්ස් අතර තරගය රාත්‍රී 07 යි 30 ටත් කොළඹ ආර් ප්‍රේමදාස ක්‍රීඩාංගණයේදී ආරම්භ වනවා.
