ශ්‍රී ලංකාව සඳහා ජාත්‍යන්තර මූල්‍ය අරමුදලේ විස්තීර්ණ අරමුදල් ණය පහසුකම ක්‍රියාත්මක කිරීම සඳහා වූ යෝජනා සම්මත කරගැනීමට අදාළ ඡන්ද විමසීම අද පස්වරුවේ පැවැත්වෙනවා.
IMF යෝජනා ක්‍රියාත්මක කර ගැනීම සම්බන්ධයෙන් වූ පාර්ලිමේන්තු විවාදය අද පෙරවරුවේ ආරම්භ වන්නේ 03 වන දිනටයි.
ඡන්ද විමසීමේදී සිය මන්ත්‍රිවරුන් එම යෝජනාවට එරෙහිව ඡන්දය ප්‍රකාශ කරන බවයි නිදහස ජනතා සභාවේ පාර්ලිමේන්තු මන්ත්‍රි ඩලස් අලහප්පෙරුම පැවසුවේ.
උත්තර ලංකා සභාගය ද පැවසුවේ ශ්‍රී ලංකාව සඳහා ජාත්‍යන්තර මූල්‍ය අරමුදලේ විස්තීර්ණ අරමුදල් ණය පහසුකම ක්‍රියාත්මක කිරීම සඳහා වූ යෝජනා සම්මත කරගැනීමට අදාළ ඡන්ද විමසීමේදී විපක්ෂව ඡන්දය ප්‍රකාශ කරන බවයි.
කෙසේවෙතත් ශ්‍රී ලංකා පොදුජන පෙරමුණ එම ඡන්ද විමසීමේදී පක්ෂව ඡන්දය ලබාදෙන බවයි අමාත්‍ය ප්‍රසන්න රණතුංග පැවසුවේ.
සමගි ජනබලවේගය පැවසුවේ අදාළ යෝජනාව සම්බන්ධයෙන් ඡන්ද විමසීමේදී ගනු ලබන තීරණය පිළිබඳ සිය මන්ත්‍රීවරුන් පාර්ලිමේන්තුවේදී අද පස්වරු 01 ට රැස්වී තීරණයක් ගන්නා බවයි.
ශ්‍රී ලංකා නිදහස් පක්ෂයේ මහ ලේකම් පාර්ලිමේන්තු මන්ත්‍රි දයාසිරි ජයසේකර කියා සිටියේ සිය පක්ෂයේ තීරණය අද පෙරවරුවේ ප්‍රකාශයට පත් කරන බවයි.
