ජූනි මාසය මැද භාගය වනවිට හෝ ජාත්‍යන්තර මූල්‍ය අරමුදල සමග ණයක් පිළිබඳ එකගතාවයකට පැමිණිය යුතුව ඇතැයි අග්‍රාමාත්‍ය රනිල් වික්‍රමසිංහ මහතා පවසනවා.
අනතුරුව සෙසු පාර්ශව සමගද කඩිනමින් සාකච්ඡා කිරීමට හැකිවනු ඇති බවයි බ්ලූම්බර්ග් වෙබ් අඩවිය සමග සම්මුඛ සාකච්ඡාවකට එක්වෙමින් ඔහු කියාසිටියේ.
2025 වසර වනවිට ප්‍රාථමික හිගය දළ දේශීය නිෂ්පාදිතයෙන් සියයට 01 ක් බවට පත්කිරිම සැලසුම බවද අග්‍රාමාත්‍යවරයා සඳහන් කලා.
මෙම වසර තුළදී ඩොලර් බිලියන 04 ක විදේශ ආධාර අපේක්ෂා කරන බවත් චීනය – ජපානය ඇතුලු පාර්ශව රැසකින් ආහාර සහ ඉන්ධන සඳහා සහන අපේක්ෂා කරන බවත් රනිල් වික්‍රමසිංහ මහතා ප්‍රකාශ කලා.
ජාත්‍යන්තර මූල්‍ය අරමුදල සමග එකගතාවයක් ඇතිවීමෙන් පසු චිනය සමග ණය ප්‍රතිව්‍යුහගත කිරීමකට යාම කෙරෙහි අවධානය යොමුකර ඇති බවත් අග්‍රාමාත්‍යවරයා මෙහිදී කියාසිටියා.
ශ්‍රී ලංකාව ණය උගුලක සිරවී නොමැති බවයි වික්‍රමසිංහ මහතා අවධාරණය කලේ.
