ගෘහ සහ පුරවැසි දත්ත ලබාගැනීම සදහා මෙතෙක් පවත්වාගෙන ගිය ගෘහ මූලික ලැයිස්තුව වෙනුවට ඉ – ග්‍රාම නිළධාරී ව්‍යාපෘතිය භාවිතයට ගැනීමට රජයේ අවධානය යොමුව තිබෙනවා.
ගෘහ මූලික ලැයිස්තු පවත්වාගෙන යාමේ ක්‍රමවේදය මේ වනවිට ක්‍රියාත්මක නොවන බැවින් මෙරට වැසියන්ගේ පදිංචියට අදාල සහතික නිකුත් කිරීමේදී රාජ්‍ය නිළධාරීන් මුහුණ දෙන දුෂ්කරතා සැලකිල්ලට ගෙනයි රජය මෙම තීරණය ගෙන ඇත්තේ.
මේ වනවිට ස්වදේශ කටයුතු රාජ්‍ය අමාත්‍යාංශය විසින් මෙම ඉ – ග්‍රාම නිළධාරී ව්‍යාපෘතිය ආරම්භ කර ඇති අතර එය අදියර කිහිපයක් යටතේ 14 022 ක් වූ මෙරට සියලු ග්‍රාම නිළධාරී වසම් ආවරණය වන පරිදි ක්‍රියාත්මක කිරීමට නියමිතයි.
