වයස අවුරුදු 60 ට වැඩි පුද්ගලයින්ට රැකියා සදහා ලෙබනනයට ඇතුලුවීමට නැවත අවසර ලබා දී තිබෙනවා.
ලෙබනන්හි ශ්‍රී ලංකා තානාපති කාර්යාලය නිවේදනය කලේ මේ වනවිට ලෙබනන් රාජ්‍යයේ කොවිඩ් 19 වසංගත තත්ත්වය පාලනය කර තිබීම ඊට හේතුව බවයි.
එරට පැවති කොවිඩ් වසංගත තත්ත්වයේ සීඝ්‍ර ව්‍යාප්තිය හේතුවෙන්, මේ වසරේ මාර්තු මස සිට බලපැවැත්වෙන පරිදි වයස අවුරුදු 60ට වැඩි පුද්ගලයින්ට ලෙබනනයේ’රැකියා සදහා ඇතුළු වීම තාවකාලිකව අත්හිටුවා තිබුණා.
මේ වන විට එය නියමය ඉවත් කර ඇති නමුත් අදාල පුද්ගලයින් ලෝක සෞඛ්‍ය සංවිධානය විසින් අනුමත කරන ලද ඕනෑම එන්නතක අදාල මාත්‍රා දෙකම ලබාගෙන තිබීම අනිවාර්ය වනවා.
