21 වන සංශෝධනය හරහා නව බලයක් අග්‍රාමාත්‍යවරයාට සහ පාර්ලිමේන්තුවට ලැබෙන බැවින් නව අග්‍රාමාත්‍යවරයෙකු සහ පාර්ලිමේන්තුවක් තෝරාපත් කරගතයුතු බව ජනතා විමුක්ති පෙරමුණ පවසනවා.
එම නව බලය ලබාගැනීම සදහා පාර්ලිමේන්තුවේ කිසිදු සාමාජිකයෙකුට අයිතියක් නොමැති බවයි ඔවුන් අවධාරණය කරන්නේ.
අද පෙරවරුවේ පක්ෂ මූලස්ථානයේදී පැවති මාධ්‍ය හමුවකදී පක්ෂ නායක පාර්ලිමේන්තු මන්ත්‍රී අනුර කුමාර දිසානායක මහතා මේ බව කියා සිටියා.
මේ අතර නව ආණ්ඩුක්‍රම ව්‍යවස්ථාවක් යටතේ කිසිදු ආකාරයකින් ජනාධිපතිවරයාට අමාත්‍ය ධුර ලබාගැනීමේ හැකියාවක් ලබා නොදිය යුතු බවද අනුර කුමාර දිසානායක මහතා එහිදී කියා සිටියා.
