2022 වසරේ ජනවාරි මාසය වන විට මෙරටින් වාර්තා වන ඩෙංගු රෝගින් සංඛ්‍යාව පන්දහස ඉක්මවා ඇති බව ජාතික ඩෙංගු මර්ධන ඒකකය අවධාරණය කරනවා.
රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවකට එක්වෙමින් ජාතික ඩෙංගු මර්ධන ඒකකයේ වෛද්‍ය ඉන්දික වීරසිංහ මහතා කියා සිටියේ ක්‍රමක්‍රමයෙන් ඩෙංගු රෝගින් ඉහළ යාමක් පෙන්නුම්කරන බවයි.
මේ අතර කොළඹ සහ ගම්පහ දිස්ත්‍රික්කය ආශ්‍රිතව ඩෙංගු රෝගීන් ව්‍යාප්තවීම සීග්‍රයෙන් ඉහළ ගොස් ඇති බව වෛද්‍ය ඉන්දික වීරසිංහ මහතා පෙන්වා දුන්නා.
දිවයිනේ අනෙකුත් දිස්ත්‍රික්කවල ඩෙංගු ව්‍යාප්තිය සම්බන්ධයෙන්ද ඔහු මෙලෙස අදහස් පළකලා.
