ශ්‍රී ලංකාව සහ නවසීලන්තය අතර පැවති අවසාන විස්සයි විස්ස ජාත්‍යන්තර තරගය කඩුලූ 04 කින් ජයග්‍රහණය කිරීමට නවසීලන්තය සමත්වුණා.
ඒ අනුව තරග තුනකින් සමන්විත තරගාවලියේ ජය, තරග දෙකක් ජය ගත් නවසීලන්ත කණ්ඩායමට හිමිවුණා.
නවසීලන්තයේ කුවින්ස්ටවුන්හි පැවති මෙම තරගයේ කාසිය වාසිය දිනූ නවසීලන්ත කණ්ඩායම ප්‍රථමයෙන් පන්දු යැවීමට තීරණය කලා.
පළමුවෙන් පන්දුවට පහර දුන් ශ්‍රී ලංකා කණ්ඩායම පන්දුවාර 20 අවසානයේ කඩුලූ 6ක් දැවී ලකුණු 182 ක් ලබා ගත්තා.
පිළිතුරු ඉනිම ක්‍රීඩා කිරීමට පිටියට පිවිසි නවසීලන්ත කණ්ඩායම පන්දුවාර 19 යි පන්දු 5ක දී කඩුලූ 6 ක් දැවී ලකුණු 183ක් ලබා ගැනීමට සමත්වුණා.
