බලාගාර රැසක දැවිතෙල් අවසන් අදියරට පැමිණීම හේතුවෙන් හෙට රාත්රියේ සිට විදුලි කප්පාදුවක් සිදුකිරීමට සිදුවන බව ලංකා විදුලි ඉංජිනේරු සංගමය පවසනවා.
ජල විදුලිය නිෂ්පාදනය ඊයේ දිනයේ සමස්ත විදුලි ඉල්ලූමෙන් සියයට 25 දක්වා පහළ බැස තිබූ අතර ගල් අගුරු, ඩීසල් හා දැවිතෙල් මගින් සැපයූ විදුලි ප්රමාණය සියයට 72 දක්වා ඉහළ ගොස් තිබෙනවා.
ජාතික විදුලි පද්ධතියට මෙගාවොට් 108 ක පමණ ධාරිතාවක් එක් කරන සපුගස්කන්ද බලාගාරය මේ වනවිට සම්පූර්ණයෙන්ම අක්රිය වී ඇත්තේ එහි ක්රියාකාරිත්වයට අවශ්ය දැවිතෙල් අවසන්වීම හේතුවෙනුයි.
කෙසේවෙතත් නොරොච්චෝලේ බලාගාරයෙන් අහිමි වූ විදුලි ධාරිතාව ලබන 26 වනදා පමණ වනවිට යළි එක්කිරීමට හැකි වනු ඇති බවට විදුලිබල මණ්ඩලය විශ්වාසය පළ කරනවා.