නිවෙස් නිරෝධායනයේදී මියයන කොවිඩ් ආසාදිතයින්ගේ පෂ්චාත් මරණ පරික්ෂණ කටයුතුවලට අදාලව සෞඛ්‍ය අමාත්‍යංශය විසින් නිකුත් කර ඇති චක්‍රලේඛ හේතුවෙන් හදිසි මරණ පරික්ෂකවරුන් දැඩි අර්බුදයකට ලක්ව සිටින බව ශ්‍රී ලංකා හදිසි මරණ පරික්ෂකවරුන්ගේ සංගමය පවසනවා.
ඔවුන් පෙන්වා දෙන්නේ කොවිඩ් ආසාදිතව මියයන පුද්ගලයන්ගේ මෘත ශරීර ඥාතීන් වෙත භාරදීම ප්‍රමාදවීම හා ඇතැම් රෝහල්වල මෘත ශරීර ගොඩගැසීමේ අර්බුදයටද මෙම චක්‍රලේඛ හේතුවක් වී ඇති බවයි.
තම රාජකාරී කටයුතුවලට අදාලව චක්‍රලේඛ නිකුත් කිරීමේදී වඩාත් ප්‍රායෝගික ආකාරයෙන් ඒවා සකස් කරන ලෙසයි ශ්‍රී ලංකා හදිසි මරණ පරික්ෂකවරුන්ගේ සංගමය සෞඛ්‍ය අමාත්‍යංශයෙන් ඉල්ලා සිටියේ.
මේ අද පෙරවරුවේ හැටන් හිදී පැවති මාධ්‍ය හමුවකදී මේ සම්බන්ධයෙන් වැඩිදුරටත් කරුණු පැහැදිලි කළ ශ්‍රී ලංකා හදිසි මරණ පරික්ෂකවරුන්ගේ සංගමයේ මාධ්‍ය ලේකම් මොහොමඩ් ෆසිර් මහතා.
