සීඝ්‍රයෙන් කොවිඩ් මර්දන එන්නත්කරණය සිදුකරන රටවල් අතරින් ශ්‍රී ලංකාව ලොව පළමු තැනට පත්ව ඇතැයි සෞඛ්‍ය අමාත්‍ය පවිත්‍රා වන්නිආරච්චි මහත්මිය පවසනවා.
දැනට ලොවපුරා ඇති දත්ත අනුව මෙය අනාවරණ වී ඇති බවයි අමාත්‍යවරිය පවසන්නේ. එන්නත්කරණ වැඩපිළිවෙල සම්බන්ධයෙන් අද සෞඛ්‍ය අමාත්‍යංශයේදී ප්‍රකාශයක් කරමින් පවිත්‍රා වන්නිආරච්චි මහත්මිය මේ බව සදහන් කළා.
කොවිඩ් වෛරසය ආසාදනයවීමෙන් මේවනවිට සිදුව ඇති මරණ අතරින් සියයට 60ක ප්‍රතිශතයක් කොවිඩ් එන්නත ලබා නොගත් අය බවත් සියයට 3ක් එන්නත් මාත්‍රා දෙකම ලබාගත් අය බවත් අමාත්‍ය පවිත්‍රා වන්නිආරච්චි මහත්මිය කියා සිටියා.
මෙම තත්වය අවබෝධ කරගනිමින් නියමිත වයස් කාණ්ඩවල පුද්ගලයින් කඩිනමින් එන්නත ලබාගන්නා ලෙසයි ඇය ඉල්ලා සිටියේ.
