මෙතෙක් පැවති අවසර කිහිපයක් අද මධ්‍යම රාත්‍රියේ සිට බලාත්මක වන පරිදි නැවතත් සංශෝධනය කර තිබෙනවා.
ඒ අනුව විවාහ මංගල සඳහා උත්සව ශාලාවේ 500 කට වැඩි ආසන පහසුකම් ඇත්නම් සහභාගීවිය හැකි වනුයේ උපරීම වශයෙන් 150 දෙනෙකුට පමණයි.
උත්සව ශාලාවක ආසන පහසුකම් 500 ට අඩු නම් එවැනි ස්ථානයක පැවැත්වෙන විවාහ මංගල උත්සවයක් සඳහා සහභාගීවිය හැක්කේ උපරීම 100 දෙනෙකුට පමණක් බව යුධ හමුදාපති ජනරාල් ශවේන්ද්‍ර සිල්වා මහතා සඳහන් කලා.
මේ අතර අවමංගල්‍ය උත්සවයක් සඳහා එක් අවස්ථාවකදී සහභාගී වියහැකි උපරීම සංඛ්‍යාව ද 25 දෙනෙකුට සීමා කර තිබෙනවා.
සියලූම රාජ්‍යය උත්සව සැප්තැම්බර් 01 දක්වා කල් දැමෙන අතර රජයේ සේවකයින්ගේ පැමිණීම ආයතනයේ ප්‍රධානියා විසින් තීරණය කළ යුතු බවද යුධ හමුදාපතිවරයා කියාසිටියා.
