ස්පුට්නික් එන්නතේ දෙවැනි මාත්‍රාවට අවශ්‍ය එන්නත් මෙරටට ගෙන්වා ගැනීමට යම් ගැටළුවක් මතුව ඇතැයි නියෝජ්‍ය සෞඛ්‍ය සේවා අධ්‍යක්ෂ ජෙනරාල් විශේෂඥ වෛද්‍ය හේමන්ත හේරත් මහතා පවසනවා.
කෙසේ වෙතත් පළමු මාත්‍රාව ලබාගත් පිරිසට දෙවැනි මාත්‍රාව ලබා ගැනීම සදහා විශාල ප්‍රමාදයක් සිදුව නොමැති බවයි කොළඹ අද පැවති මාධ්‍ය හමුවකට එක්වෙමින් ඔහු කියා සිටියේ.
ස්පුට්නික් පළමු මාත්‍රාව පමණක් ප්‍රමාණවත් යැයි විද්වත් නිර්දේශ ලැබුනහොත් දෙවැනි මාත්‍රාවක් ලබාදීම අවශ්‍ය නොවන බවද හේමන්ත හේරත් මහතා අවදාරණය කළේ.
කොරෝනා මර්ධන එන්නත ලබා ගැනීමට අකමැති පිරිස් වෙතොත් ඔවුන්ට බලහත්කාරයෙන් එන්නත් ලබා නොදෙන බවයි හේමන්ත හේරත් මහතා ප්‍රකාශ කළේ.
කොළඹ ජාතික රෝහලේ විශේෂඥ වෛද්‍ය හර්ෂ සතිශ්චන්ද්‍ර මහතාද මෙම මාධ්‍ය හමුවට එක්වුනා.
කොරෝනා රෝගීන් නිවෙස්වල රදවා ප්‍රතිකාර කිරිමේ වැඩපිළිවෙල සම්බන්ධයෙන් ඔහු මෙලෙස අදහස් පළ කළා.
