ජනතාවගේ දැවෙන ප්‍රශ්නවලට කඩිනම් විසඳුම් ලබාදී, ආර්ථිකය ස්ථාවර කිරීමට ශ්‍රී ලංකා නීතිඥ සංගමය විසින් ඉදිරිපත් කරන ලද යෝජනා මාලාව සම්බන්ධයෙන් ප්‍රධාන විපක්ෂය වන සමගි ජන බලවේගය සහ නීතීඥ සංගමය අතර විශේෂ සාකච්ඡාවක් අද පැවැත්වෛනවා.
අදාළ යෝජනාවලිය පිළිබඳ එහිදී දීර්ඝව සාකච්ඡා කිරීමට බලාපොරොත්තු වන බවයි පක්ෂයේ ප්‍රධාන විධායක නිළධාරී හිටපු අමාත්‍ය අජිත් පී පෙරේරා මහතා සඳහන් කලේ.
රටේ දැනට උද්ගතව ඇති ආර්ථික සහ දේශපාලන අර්බුද විසඳීම සඳහා මෙම යෝජනාවලිය මත පදනම්ව ජාතික වැඩසටහනක් සඳහා සිය සහයෝගය ලබා දීමට ප්‍රධාන විපක්ෂය වන සමගි ජන බලවේගය ප්‍රමුඛ සමගි ජන සන්ධානය ඊයේ තීරණය කලා.
විධායක ජනාධිපති ක්‍රමය අහෝසි කිරීම ඇතුලු කරුණු රැසක් පිළිබඳ අද පැවැත්වෙන සාකච්ඡාවේදී අවධානය යොමු කරන බවයි සමගි ජන බලවේගයේ ප්‍රධාන විධායක නිළධාරී හිටපු අමාත්‍ය අජිත් පී පෙරේරා මහතා කියාසිටියේ.
