අමිල ප්‍රසංග හෙට්ටිහේවා නොහොත් සන්ෂයින් සුද්දා යන අන්වර්ථ නාමයෙන් හැදින්වෙන පුද්ගලයාගේ ඝාතනයට සම්බන්ධ සැකකරුවෙක් තඹුත්තේගම ප්‍රදේශයේදී අත්අඩංගුවට ගෙන තිබෙනවා.
අදාළ ඝාතනයේ ප්‍රධාන සැකකරු වන හේවාදුනුවිලගේ ලසන්ත නොහොත් ටින්කරින් ලසන්ත සමග වෑන් රථයක ගමන් කිරීම මෙම සැකකරුට එරෙහි චෝදනාවයි.
ඔහු වෑන් රථයේ රියැදුරා වශයෙන් පෙනී සිට ඇති බවයි පොලිසිය සදහන් කලේ.
සැකකරු සන්තකයේ තීබී ත්‍රීරෝධ රථයක් / ජංගම දුරකථනයක් / හා රුපියල් මිලියනයකට ආසන්න මුදලක්ද පොලිස් භාරයට ගෙන තිබෙනවා.
ඔහු මට්ටක්කුලිය ප්‍රදේශයේ පදිංචි අවුරුදු 43 ක අයෙක්. සැකකරු අද වැලිසර මහේස්ත්‍රාත් අධිකරණයට ඉදිරිපත් කිරීමට නියමිතයි.
