ශ්‍රී ලංකාව අනපේක්ෂිත ආකාරයේ දැවැන්ත මූල්‍ය අර්බුදයකට ළගා වී ඇති බව හිටපු මුදල් අමාත්‍ය මංගල සමරවීර මහතා අවධාරණය කරනවා.
සැබෑ දේශප්‍රේමියෝ සංවිධානය අද පැවැත්වූ මාධ්‍ය හමුවකදීයි මංගල සමරවීර මහතා මේ බව සදහන් කළේ.
2019 වසරේදී තමන් මුදල් අමාත්‍ය ධූරයෙන් ඉවත්වන විට මහභාණ්ඩාගාරය සතුව පැවති අමරිකානු ඩොලර් බිලියන 7යි දසම 6ක ප්‍රමාණය ලබන 27වනදායින් පසුව අමරිකානු ඩොලර් බිලියන දෙකයි දසම 6ක් දක්වා අඩුවන බවයි මංගල සමරවීර මහතා කියා සිටියේ.
මෙරට ඉතිහාසයේ විදේශ සංචිත ප්‍රමාණය මෙවැනි ප්‍රමාණයකින් අඩුවන පළමු අවස්ථාව මෙය බවද ඔහු පෙන්වා දුන්නා.
ආණ්ඩුවේ මතවාදය පමණක් නොව විපක්ෂයද අදවනවිට අසමත්වී ඇති බවත් රටට අවශ්‍ය වන්නේ විකල්පයක් මිස ආදේශකයක් නොවන බවත් මංගල සමරවීර මහතා මෙහිදී කියා සිටියා.
