හෙදියන්, විශේෂඥ වෛද්‍යවරුන්, දුම්රිය රියැදුරන් වැනි විශේෂ රාජ්‍ය සේවකයින්ගේ විශ්‍රාම ගැන්වීමේ කාලය පිළිබඳ තීරණයක් ගැනීම කෙරෙහි අවධානය යොමුව ඇතැයි රාජ්‍ය පරිපාලන අමාත්‍යාංශය පවසයි.
ඒ, රාජ්‍ය සේවකයින් 30,000 කට ආසන්න ප්‍රමාණයක් පසුගිය දෙසැම්බර් මස 31 සිට විශ්‍රාම ගැන් වූ පසුබිමක් තුළයි.
රාජ්‍ය පරිපාලන අමාත්‍යාංශයේ ලේකම් නීල් බණ්ඩාර හපුහින්න මහතා සඳහන් කළේ, විශේෂ ක්ෂේත්‍ර කිහිපයක රාජ්‍ය සේවකයින්ගේ විශ්‍රාම ගැන්වීමේ වයස අවුරුදු 65 දක්වා වත් වැඩි කිරීම කෙරෙහි අවධානය යොමුව ඇති බවයි.
මේ සම්බන්ධයෙන් ඊයේ (02) රාජ්‍ය පරිපාලන අමාත්‍යාංශයේදී සාකච්ඡාවක් ද පැවැත්වූ නමුත්, තවමත් ඒ සම්බන්ධයෙන් තීරණයක් ගෙන නොමැති බව ද ලේකම්වරයා පැවසීය.
