කොවිඩ් 19 ඩෙල්ටා ව්‍යසනය පෙනි පෙනී සංචරණ සීමා ඉවත් කළේ ඇයිදැයි විශේෂඥ වෛද්‍යවරුන්ගේ සංගමය රජයෙන් ප්‍රශ්ණ කරනවා.
නිවේදනයක් නිකුත් කරමින් එම සංගමය පෙන්වා දෙන්නේ දැඩි අවදානම් තත්වයක් මධ්‍යයේ සංචරණ සීමා ලිහිල් කිරීමට රජය ගත් තීරණය ඇවිලෙන ගින්නට පිදුරු දැමීමක් හා සමාන බවයි.
රටේ සෞඛ්‍ය අංශ දුර්වලවී කොරෝනා රෝග ව්‍යාප්තිය වැඩි වුවහොත් බලාපොරොත්තු වන ආකාරයේ සංචාරකයින්ගේ පැමි”මද සිහිනයක් පමණක් වනු ඇති බවද ඔවුන් පෙන්වා දෙනවා.
පවතින තත්වය අවබෝධ කරගනිමින් නැවත සමාලෝචනයක් කර සෞඛ්‍යමය හා සංචරණ සීමා සංශෝධන ක්‍රියාත්මක කරන ලෙසයි විශේෂඥ වෛද්‍යවරුන්ගේ සංගමය රජයෙන් ඉල්ලා සිටින්නේ.
පුරවැසියන්ගේ ආදායම් මාර්ග රැකදීම ඉතා වැදගත් වන බව පිළිගන්නා නමුත් ඔවුන් ජීවත් කරවීම ඊට වඩා වැදගත් බව පෙන්වා දෙන විශේෂඥ වෛද්‍යවරුන්ගේ සංගමය, වෛද්‍යවරුන් ලෙස ඉගෙනගත් ආප්තෝපදේශයක් සදහන් කරමින් සිය නිවේදනය අවසන් කර තිබෙනවා.
මළගිය අයකුට වඩා පණ ඇති රෝගියෙකුට ප්‍රතිකාර කිරීමේ හැකියාව වැඩිය යනුවෙන් එහි සදහන්.
