රටේ පවතින සෞඛ්‍ය තත්වය අනුව තම දෙපාර්තමේන්තුව මගින් සේවාවන් ලබාදෙන ආකාරය පිළිබද කරුණු පැහැදිලි කරමින් ශ්‍රී ලංකා විභාග දෙපාර්තමේන්තුව නිවේදනයක් නිකුත් කර තිබෙනවා.
සහතික පත්‍ර අයදුම් කිරීම මාර්ගගත ක්‍රමයට සහ විද්‍යුත් තැපැල් ක්‍රමයට පමණක් සිදු කිරීමට පහසුකම් සළසා ඇති බවයි එහි දැක්වෙන්නේ.
සහතික පත්‍ර අවශ්‍යතාව අනුව විදේශ කටයුතු අමාත්‍යංශය වෙත හෝ අධිවේගී තැපෑල මගින් අයදුම්කරුගේ ලිපිනය වෙත යොමුකරන බවද එම නිවේදනයේ සදහන්.
දෙපාර්තමේන්තුවේ නිල ජංගම දුරකථන යෙදවුම වන ඩී ඕ ඊ මොබයිල් ඇප්ලිකේෂනය මගින්ද සහතික පත්‍ර අයදුම් කළ හැකි අතර මේ පිළිබද වැඩිදුර තොරතුරු විභාග දෙපාර්තමේන්තුවේ නිල වෙබ් අඩවියට පිවිසීමෙන් ලබා ගත හැකියි. 2001 හා ඉන් පසු වර්ෂවල සාමාන්‍යපෙළ සහ උසස්පෙළ විභාග සහතික පත්‍ර සදහා 011 යි 27 යි 88 යි 137 දුරකථනය අමතන ලෙසයි විභාග දෙපාර්තමේන්තුව දැනුම් දෙන්නේ.
2001 ට පෙර වර්ෂවල සාමාන්‍යපෙළ සහ උසස්පෙළ විභාග සහතික පත්‍ර අයදුම් කිරීමටත් ධර්මාචාර්යය – මූලික පිරිවෙන් – සාමාන්‍ය තොරතුරු තාක්ෂණ විභාගය වැනි සහතික පත්‍ර විභාග සදහා දෙපාර්තමේන්තුවේ නිල විද්‍යුත් තැපෑල භාවිත කරන ලෙසත් වැඩි විස්තර සදහා 011 යි 2 යි 78 යි 43 යි 23 දුරකථන අංකය අමතන ලෙසත් විභාග දෙපාර්තමේන්තුව දැනුම් දෙනවා.
උසස්පෙළ සහ සාමාන්‍යපෙළ විභාග සදහා විද්‍යුත් තැපෑල මගින් විභාග අංක ලබාගැනීමට අයදුම් කිරීමේ තොරතුරු 011 යි 2 යි 78යි 13 යි 23 දුරකථනය ඇමතිමෙන් ලබා ගත හැකියි.
උසස්පෙළ සහ සාමාන්‍යපෙළ විභාගයන්හී නාම සංශෝධන සදහා 011 යි 2 යි 78 යි 45 යි 37 අංකය හෝ 011 යි 2 යි 78 යි 42 යි 08 දුරකථන අංකය අමතන ලෙසයි විභාග දෙපාර්තමේන්තුව දැනුම් දෙන්නේ.
