2021 වසරේ ජනවාරි මාසය හා සැසඳීමේදී මෙම වසරේ ජනවාරි මාසයේදී විදේශීය ප්‍රේෂණ ලැබීම් සියයට 61.6 කින් පහළ ගොස් තිබෙනවා.
පසුගිය වසරේ ජනවාරි මාසයේදී විදේශ ශ්‍රමිකයන් විසින් අමෙරිකානු ඩොලර් මිලියන 675 ක මුදල් මෙරටට එවා තිබූ නමුත් මෙම වසරේදී එය ඩොලර් මිලියන 259 ක් දක්වා පහළගොස් තිබෙනවා.
2020 වසර තුළදී ඩොලර් මිලියන 7104 ක විදේශීය ප්‍රේෂණ ලැබී තිබූ නමුත් පසුගිය වසරේදී එය ඩොලර් මිලියන 5491 ක් දක්වා පහළගොස් ඇති බවයි මහ බැංකුව නිකුත් කල වාර්තාවක දැක්වෙන්නේ.
2021 වසරේ ජනවාරි මාසයේදී වෙළඳ භාණ්ඩ අපනයනයෙන් උපයා ඇති ආදායම ඩොලර් මිලියන 937 ක් වූ නමුත් මෙම වසරේ ජනවාරි මාසයේදී එය ඩොලර් මිලියන 1101 දක්වා ඉහළ ගොස් තිබෙනවා.
කෙසේවෙතත් ආනයන සීමා කර තිබියදීත් පසුගිය වසරේ ජනවාරි මාසයට සාපේක්ෂව වෙළඳ භාණ්ඩ ආනයන ඉහළ ගොස් තිබීමත් විශේෂත්වයක්.
2021 ජනවාරි මාසයේදී ඩොලර් මිලියන 1592 ක භාණ්ඩ රටට ගෙන්වා ඇති අතර මෙවර ජනවාරි මාසයේදී එය ඩොලර් මිලියන 1959 දක්වා ඉහළ ගොස් ඇතැයි මහ බැංකුව සඳහන් කලා.
මින් වැඩිම මුදලක් වැයවී ඇත්තේ ඉන්ධන ආනයනය සඳහායි.
