ලබන මස අනිවාර්යයෙන් විදුලි ගාස්තු ඉහළ දැමීමක් සිදුකරන බවත් එහිදී පූජනීය ස්ථානවලට හා අඩු ආදායම් ලාභීන්ට සහනයක් දෙන බව විදුලිබල හා බලශක්ති ඇමති කාංචන විජේසේකර පවසනවා.
සියයට 60 ත් 65 ත් අතර අගයකින් විදුලි බිල් ගාස්තු ඉහළ දැමීමට අවශ්‍ය බවයි ලංකා විදුලිබල මණ්ඩලය අද පැවති මාධ්‍ය හමුවකදී කියාසිටියේ.
මේ අතර අඩුම ලංසුව ඉදිරිපත් කල ඉන්දුනීසියානු සමාගමකට ගල් අගුරු ටෙන්ඩරය අද දිනයේදී ලබාදුන් බවද ඇමති කාංචන විජේසේකර සඳහන් කලා.
විදුලි බිල ඉහළ දැමීම සිදුනොකරන්නේ නම් ඒ වෙනුවෙන් පැය කිහිපයක විදුලි කප්පාදුවකට ජන ජීවිතය හුරුකර ගැනීමට සිදුවන බව විදුලිබල හා බලශක්ති අමාත්‍ය කංචන විජේසේකර මහතා පවසයි.
මේ මොහොතේ පැවැත්වෙන විශේෂ මාධ්‍ය හමුවකට එක්වෙමින් අමාත්‍යවරයා මේ බව කියා සිටියේය.
