වැරදි දත්ත මත ඇතිකරගත් වැරදි පුරෝකථන හේතුවෙන් අදවනවිට රට කොවිඩ් වසංගතයේ අනතුරකට ඇදදමා ඇති බව ජනතා විමුක්ති පෙරමුණේ නායක අනුර කුමාර දිසානායක මහතා පෙන්වා දෙනවා.
අදවනවිටත් කොවිඩ් වසංගතයට අදාල නිවැරදි දත්ත මහජනතාව වෙත ලබාදීමට රජය අපොහොසත්ව ඇති බවයි පක්ෂ මූලස්ථානයේ අද පැවති මාධ්‍ය හමුවකදී අනුර කුමාර දිසානායක මහතා කියා සිටියේ. –
කොවිඩ් වසංගතයෙන් ආරක්ෂාවීම සදහා ස්වයං සීමා පනවාගනිමින් තම තමන්ගේ ආරක්ෂාව වෙනුවෙන් අවශ්‍ය ක්‍රියාමාර්ග ගන්නා ලෙස අනුර කුමාර දිසානායක මහතා මහජනතාවගෙන් ඉල්ලීමක් කළා.
