ගුරු – විදුහල්පතිවරුන්ගේ වැටුප් වැඩිවීමක් සිදුනොවූ බවත් සිදුවූයේ පැවති වැටුප් විෂමතාව ඉවත් කිරීම පමණක් බවට ලංකා ගුරු සංගමය අවධාරණය කරනවා.
සෞඛ්‍ය වර්ජනයට ප්‍රධාන හේතුව ජාතික වැටුප් ප්‍රතිපත්තියෙන් බැහැරට ගොස් ගුරු විදුහල්පති වැටුප් ගැටලූව විසදීම බවට රජයේ වෛද්‍ය නිළධාරීන්ගේ සංගමය සිදුකළ චෝදනාවට පිළිතුරු දෙමිනුයි ලංකා ගුරු සංගමයේ ප්‍රධාන ලේකම් ජෝසෆ් ස්ටාලින් මහතා මේ බව කියා සිටියේ.
ඒ අනුව එම චෝදනා ප්‍රතික්ෂේප කරන බවත් චෝදනාවලට එරෙහිව මැදිහත් වන බවත් නිව්ස් රේඩියෝ කළ විමසීමකදී ජෝසෆ් ස්ටාලින් මහතා වැඩිදුරටත් කියා සිටියා.
