වාහන කිහිපයක් සහිත ව්‍යාපාරික ස්ථාන සඳහා ව්‍යාපාර ලියාපදිංචි අංකය යටතේ ජාතික ඉන්ධන බලපත්‍රය සඳහා ලියාපදිංචිවීමට දැන් අවස්ථාව පවතින බව විදුලිබල හා බලශක්ති අමාත්‍ය කංචන විජේසේකර මහතා පවසනවා.
ට්විටර් පණිවිඩයක් නිකුත් කරමින් ඔහු සඳහන් කලේ යන්ත්‍රෝපකරණ සඳහා අවශ්‍ය සතිපතා ඉන්ධන අවශ්‍යතාවය වෙනුවෙන් අදාළ ප්‍රාදේශීය ලේකම් කාර්යාලයේ ලියාපදිංචි විය යුතු බවයි.
මේ අතර ජාතික ඉන්ධන බලපත්‍රය සඳහා ඊයේ රාත්‍රී 8.30 වන විට ලියාපදිංචි වී ඇති සමස්ත පාරිභෝගිකයින් සංඛ්‍යාව මිලියන 4.25ක් බව අමාත්‍යවරයා පවසනවා.
මේ අතර ඉන්ධන පිරවුම්හල් 481ක් ඊයේ දිනය වන විට ලියාපදිංචි වී ඇති බව අමාත්‍යවරයා සඳහන් කර සිටියා. එහිදී සිපෙට්කෝ පිරවුම්හල් 409ක් සහ IOC පිරවුම්හල් 72ක් ලියාපදිංචි වී ඇත.
ඊයේ දිනයේදී ජාතික ඉන්ධන බලපත්‍රයේ QR ඛේත ක්‍රමය ඔස්සේ වාහන 158,208ක් ඉන්ධන ලබාගෙන ඇති බවද අමාත්‍යවරයා ට්විටර් සටහනක් තබමින් ප්‍රකාශ කර සිටියා.
