රටේත් ලෝකයේත් දැඩි අවධානයක් යොමු වූ පාස්කු ප්‍රහාරය එල්ලවී වසර හතරක් සම්පූර්ණ වන අද දිනයේ ප්‍රදේශ රැසක සැමරුම් වැඩසටහන් සංවිධානය කර තිබුණා.
සියලු දේවස්ථාන ආශ්‍රිතව මෙම සැමරුම් මෙහෙයුම් පැවති බවයි වාර්තාකරුවන් සඳහන් කළේ.
අද පෙරවරු 8 යි 45 ට ප්‍රහාරයෙන් මියගිය පිරිස් සිහිකරමින් විනාඩි දෙකක නිෂ්ශබ්ධතාවක්ද පැවතුණා.
කතෝලික සභාවේ ජාතික කතෝලික ජනසන්නිවේදන අධ්‍යක්‍ෂ ජූඩ් ක්‍රිෂාන්ත ප්‍රනාන්දු පියතුමන් පැවසුවේ පාස්කු ප්‍රහාරයට වසර 4 ක් ගතවුවත් මෙතෙක් සාධාරණයක් ඉටුව නොමැති බැවින් සාධාරණයක් ඉල්ලා මෙම සැමරුම් සිදුකරන බවයි.
