මෙරටතුල සමාජ – ආර්ථික – දේශපාලන අර්බුද රැසක් නිර්මාණය කළ යුගයක් බවට වත්මන් ආණ්ඩුවේ පාලන සමය පත්ව ඇති බව ජනතා විමුක්ති පෙරමුණේ නායක පාර්ලිමේන්තු මන්ත්‍රි අනුර කුමාර දිසානායක මහතා පවසනවා.
ජාතික ජන බලවේගය අද කැදවා තිබූ මාධ්‍ය හමුවකට එක්වෙමිනුයි ඔහු මේ බව කියා සිටියේ. මෙම තත්වය වෙනස් කිරීමට නායකත්වය දීමට ජාතික ජන බලවේගය සූදානම් බවත් ඒ සදහා එක්වන ලෙසත් අනුර කුමාර දිසානායක මහතා ජනතාවගෙන් ඉල්ලීමක් කළා.
සමාජයේ සෑම ක්ෂේත්‍රයකම පුරවැසියන් හමුවී සාකච්ඡා කර ඉදිරියේදී රාජ්‍ය බලය ලබා ගැනීම දක්වා වූ පරිවර්ථනයකට ජාතික ජන බලවේගය සැළසුම් කර ඇති බවද අනුර කුමාර දිසානායක මහතා මෙහිදී කියා සිටියා.
