මෙරට රෝහල් පද්ධතියෙන් සියයට 50 ක්ම කොවිඩ් ප්‍රතිකාර සදහා යොමු කරවීම හරහා රෝහල් ක්ෂේත්‍රයේ විවිධ ගැටලූ ඇති වී ඇති බව ජනතා විමුක්ති පෙරමුණ පෙන්වා දෙනවා.
මාධ්‍ය හමුවක් කැදවමින් පක්ෂයේ නායක පාර්ලිමේන්තු මන්ත්‍රී අනුර කුමාර දිසානායක මහතා කියා සිටියේ මේ වන විට රෝහල් තුළ වෙනත් රෝග සදහා අවශ්‍ය වන ඖෂධවල හිගයක්ද දක්නට ඇති බවයි.
මේ අතර කොවිඩ් වසංගත තත්වය සමග ආණ්ඩුවේ හැසිරීම පිළිබදව විශ්වාසය තබා නොගෙන ජනතාව විසින් ස්වයං පාලනයකින් යුතුව කටයුතු කිරීමේ වැදගත්කම සම්බන්ධයෙන් අද විපක්ෂ නායක කාර්යාලයේ පැවති මාධ්‍ය හමුවේදීද අවදානය යොමුවුණා.
මේ එහිදී අදහස් දැක්වූ පාර්ලිමේන්තු මන්ත්‍රී එරාන් වික්‍රමරත්න මහතා.
