පාර්ලිමේන්තු මන්ත්‍රීවරුන් දෙදෙනෙකුට කොවිඩ් ආසාධනය වී තිබෙනවා.
මාතලේ දිස්ත්‍රික් ශ්‍රී ලංකා පොදුජන පෙරමුණු පාර්ලිමේන්තු මන්ත්‍රී රෝහණ දිසානායක සහ හම්බන්තොට දිස්ත්‍රික් සමගි ජන බලවේගයේ පාර්ලිමේන්තු මන්ත්‍රී දිලිප් වෙදආරච්චි යන මහත්වරුන්ටයි මෙලෙස වෛරසය වැළඳී ඇත්තේ.
රෝග ලක්ෂණ ඇතිවීම මත සිදුකල පීසීආර් පරීක්ෂණයකින් රෝහණ දිසානායක මහතා ආසාධිතයෙකු බව අද පෙරවරුවේ තහවුරු වී ඇති බවයි වාර්තා වන්නේ.
ඔහුගේ පෞද්ගලික ලේකම්වරයාටද කොවිඩ් ආසාධනය වී ඇති අතර ඔවුන් දෙදෙනාම මේ වනවිට නිවාස නිරෝධායනයට යොමු වී තිබෙනවා.
මේ අතර ඊයේ සවස ඇති වූ දැඩි හිසරදය හේතුවෙන් කරන ලද ඇන්ටිජන් පරීක්ෂණයේදී තමන්ටද කොවිඩ් 19 වැළදී ඇති බව තහවුරුව ඇතැයි හම්බන්තොට දිස්ත්‍රික් සමගි ජන බලවේගයේ පාර්ලිමේන්තු මන්ත්‍රී දිලිප් වෙදආරච්චි මහතා සඳහන් කලා.
ඒ අනුව ඔහු ඇතුලු පවුලේ සියලූ දෙනා වෛද්‍ය උපදෙස් මත මේ වන විට නිරෝධායනය වෙමින් සිටින අතර පසුගිය පළමුවනදා සිට මේ දක්වා තමන් ඇසුරු කල සියලූම දෙනා ස්වයං නිරෝධායනයට ලක්වන ලෙසයි ඔහු ඉල්ලා සිටින්නේ.
