දැනට රක්ෂිත බන්ධනාගාරගතව කොළඹ මැගසින් බන්ධනාගාරයේ රඳවා සිටින පාර්ලිමේන්තු මන්ත්‍රී රිෂාඩ් බදියුදීන්ට ජංගම දුරකථනයක් ලබාදීමට කටයුතු කළ බවට හඳුනාගෙන ඇති ජේලර්වරයෙකු වහාම ක්‍රියාත්මක වන පරිදි මාරු කර යවා තිබෙනවා.
බන්ධනාගාර මාධ්‍ය ප්‍රකාශක බන්ධනාගාර කොමසාරිස් චන්දන ඒකනායක මහතා සඳහන් කලේ මැගසින් බන්ධනාගාරයේ සිට වව්නියාව බන්ධනාගාරය වෙත එම ස්ථාන මාරුව ලබාදී ඇති බවයි.
බන්ධනාගාර මූලස්ථානය විසින් මෙම පියවර ගෙන ඇත්තේ බුද්ධි අංශ වෙත ලද තොරතුරු අනුව මැගසින් බන්ධනාගාරයේ සේවය කරනු ලබන ජේලර්වරයකු මීට සම්බන්ධ බවට අනාවරණය වීමත් සමගයි.
ඒ අනුව මේ වන විට එම සිදුවීම සම්බන්ධව විමර්ශනයක් ආරම්භ කර ඇති අතර විනය පරීක්ෂණයට යටත්ව වහාම ක්‍රියාත්මකවන පරිදි අදාල ජේලර්වරයාට ස්ථාන මාරුවක් ලබාදී තිබෙනවා.
