ශ්‍රී ලංකාවේ කොමියුනිස්ට් පක්ෂයේ සභාපති වශයෙන් කටයුතු කළ රාජා කොල්ලූරේ මහතා වහාම ක්‍රියාත්මක වන පරිදි එම තනතුරෙන් ඉවත් කිරීමට එම පක්ෂය තීරණය කර තිබෙනවා.
අද පක්ෂ මූලස්ථානයේ පැවති මධ්‍යම කාරක සභාව වෙත පක්ෂයේ දේශපාලන මණ්ඩලය විසින් ගෙනා යෝජනාවකට අනුව මෙම තීරණය ගත් බවයි ශ්‍රී ලංකාවේ කොමියුනිස්ට් පක්ෂය නිවේදනය කළේ.
පක්ෂයේ ප්‍රධාන ලේකම් විශේෂඥ වෛද්‍ය ජී වීරසිංහ මහතා අද පස්වරුවේ මේ සම්බන්ධයෙන් විශේෂ ප්‍රකාශයක් කිරීමටද නියමිතයි.
ශ්‍රී ලංකාවේ කමෙියුනිස්ට් පක්ෂයේ සභාපති වශයෙන් කටයුතු කළ රාජා කොල්ලූරේ මහතා වයඹ පළාත් ආණ්ඩුකාරවරයායි.
ගුරු විදුහල්පති වැටුප් අරගලය සම්බන්ධයෙන් ඔහු කළ ප්‍රකාශයක් පසුගිය දින කිහිපයේදී රටතුළ දැඩි ආන්දෝලනයට ලක්වුණා.
පළමු අදියර යටතේ විවෘත කළ පාසල්වලට නොපැමිණෙන වයඹ පළාතේ ගුරු සහ විදුහල්පතිවරුන්ගේ වැටුප් කප්පාදු කරන බවට රාජා කොල්ලූරේ මහතා කර තිබූ ප්‍රකාශයයි මෙලෙස සමාජයේ දැඩි ආන්දෝලනයට ලක්ව තිබුණේ.
