අද සිට ක්‍රියාත්මක වන පරිදි රාජ්‍ය සේවය සාමාන්‍ය පරිදි පවත්වාගෙන යාමට අදාළ උපදෙස් ලබා දී ඇත්තේ රාජ්‍ය සේවයේ යෙදී සිටින ගර්භණී කාන්තාවන් අනතුරේ දමමින් බව ඒකාබද්ධ සංවර්ධන නිලධාරී මධ්‍යස්ථානය පවසනවා.
ඇතැම් ගර්භණි කාන්තාවන් සෞඛ්‍ය හේතුන් මත කොවිඩ් මර්ධන එන්නත පවා ලබා නොගෙන තිබියදී එලෙස දිනපතා සේවයට වාර්තා කිරීම බරපතල සෞඛ්‍ය අවදානමක් බවයි ඔවුන් පෙන්වා දෙන්නේ.
ඒ සම්බන්ධයෙන් විරෝධය පළ කරමින් ඒකාබද්ධ සංවර්ධන නිලධාරී මධ්‍යස්ථානය විසින් අදාල බලධාරීන් වෙත ලිපි කිහිපයක්ද යොමු කර ඇති අතර මෙතෙක් ඒ සදහා නිසි විසදුම් ලැබී නැති බවටයි ඔවුන් චෝදනා කරන්නේ.
මේ ඒ සම්බන්ධයෙන් නිව්ස් රේඩියෝවට අදහස් දැක්වූ ඒකාබද්ධ සංවර්ධන නිලධාරී මධ්‍යස්ථානයේ ලේකම් ධම්මික මුණසිංහ මහතා.
