අපේ ජනබල පක්ෂයේ ජාතික ලැයිස්තු මන්ත්‍රී පූජ්‍ය අතුරලියේ රතන හිමියන්ගේ පක්ෂ සාමාජිකත්වය අහෝසි කර ඇති බවට එම පක්ෂය විසින් මැතිවරණ කොමිෂන් සභාව වෙත දැනුම් දී තිබෙනවා.
කොමිසමේ සභාපති නිතීඥ නිමල් පුංචිහේවා මහතා සඳහන් කළේ, ඊයේ දිනයේදී පක්ෂයේ මහ ලේකම්වරයා විසින් කොමිසමට එය ලිඛිතව දැනුම්දුන් බවයි.
අපේ ජනබල පක්ෂය විසින් රතන හිමියන්ගෙන් කරුණු විමසීමක් සිදුකර ඇති අතර උන්වහන්සේ ඒ සඳහා කටයුතු කර නොමැති බවද සඳහන්.
මේ අනුව පක්ෂයෙන් ඉවත් කිරීම හමුවේ උන්වහන්සේගේ පාර්ලිමේන්තු මන්ත්‍රී ධුරය අහිමිවීමේ අවධානමක්ද උද්ගත වී තිබෙනවා.
