ආණ්ඩුවේ වර්තමාන ක්‍රියාපිළිවෙත අනුමත කරන්නේ මෙරට ජනගහනයෙන් සියයට 10 ක ප්‍රමාණයක් බව වෙරිටේ රිසච් ආයතනය පවසනවා.
එම ආයතනය මගින් සිදුකරනු ලබන “රට හිතන හැටි” දීපව්‍යාප්ත ජනමත විමසුම් සමීක්ෂණයේ මෙම වසරේ පෙබරවාරි මාසයේ ප්‍රතිපලවලට අනුව මෙම කරුණු අනාවරණ වී තිබෙනවා.
ඉකුත් වසරේ ඔක්තෝම්බර් මාසය වනවිට ද ආණ්ඩුවේ ක්‍රියාපිළිවෙත අනුමත කරන ලද්දේ සියයට 10 ක ප්‍රතිශතයක් පමණක් බවයි එම ආයතනය 2022 වසරේ ඔක්තෝම්බර් මාසයේදී සිදුකළ සමීක්ෂණයේදී අනාවරණ වී ඇත්තේ.
මෙම දීපව්‍යාප්ත ජනමත විමසුම් සමීක්ෂණයට අනුව මෙරට වැඩකටයුතු සිදුවෙමින් පවතින ආකාරය පිළිබඳ ජනතාවගේ තෘප්තිමත්භාවය සියයට 4 දක්වා අඩුවී තිබෙනවා.
මීට පෙර සිදුකළ සිදුකළ සමීක්ෂණයේදී එම අගය සියයට 7 ක් ලෙසයි දැක්වුණේ.
