රටපුරා පවතින ඉන්ධන පෝළිම් ඇතුලු අත්‍යවශ්‍ය ද්‍රව්‍ය පෝළිම් වත්මන් ආණ්ඩුවේ සලකුණ බවට පත්ව ඇතැයි විපක්ෂය පවසනවා.
සමගි ජනබලවේගයේ පාර්ලිමේන්තු මන්ත්‍රීනී රෝහිණී කවිරත්න මහත්මිය අද පාර්ලිමේන්තුවේදී අදහස් දක්වමින් මේ බව සදහන් කලා.
මේ වනවිට අත්‍යවශ්‍යම ඖෂධයක් හෝ සොයා ගැනීමට නොහැකි තත්වයක් රටතුල උදා වී ඇති බවයි ඇය එහිදී වැඩිදුරටත් කියාසිටියේ.
මේ අතර විපක්ෂයේ අදහස් සහ යෝජනා ආණ්ඩුව විසින් පිළිනොගන්නා බවටද අද පාර්ලිමේන්තුවේදී ආණ්ඩුවට චෝදනා එල්ල වුණා.
එන්නත්කරණය පිළිබද යෝජනාව විපක්ෂ විසින් ගෙන ආ අවස්ථාවේදී ඒ පිළිබද තැකීමක් නොකිරීම තුලිනුත් එය පෙනීගිය බවයි විපක්ෂය පෙන්වා දුන්නේ.
මේ සමගි ජනබලවේගයේ පාර්ලිමේන්තු මන්ත්‍රී මයන්ත දිසානායක සහ අමාත්‍ය නාමල් රාජපක්ෂ යන මහත්වරුන්.
ශ්‍රී ලංකාව තුල තේ බෝග වගාව සදහා ප්‍රමුඛත්වය ලබාදිය යුතු බවයි පාර්ලිමේන්තු විවාදයට එක්වූ ආණ්ඩු පක්ෂයේ පාර්ලිමේන්තු මන්ත්‍රී කනක හේරත් මහතා සදහන් කලේ.
