පාරිභෝගික භාණ්ඩ වෙනුවෙන් සහන ලබාදීමට තමා එකග නොවන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී එස් බී දිසානායක මහතා පවසනවා.
ජල හා විදුලි සේවා සදහාද ලබාදෙන සහන හේතුවෙන් බොහෝ දෙනෙක් කිසිදු අරපිරිමැස්මකින් තොරව ඒම සේවා භාවිත කරන බවටයි මන්ත්‍රීවරයා චෝදනා කලේ.
කොළඹ අද පැවති මාධ්‍ය හමුවකට එක්වෙමින් එස් බී දිසානායක මහතා මෙම අදහස් පළ කළා.
පවතින ගෝලීය කොරෝනා වසංගතය හමුවේ උද්ගතව වී ඇත්තේ වැටුප් ඉහල නංවන කාළයක් නොව වැටුප් කප්පාදු කරන කාළයක් බවටද එස් බී දිසානායක මහතා කියා සිටියා.
එවන් සමයක මෙරට තුළද විවිධ ඉල්ලීම් මත උද්ඝෝෂණ හි විරෝධතා පැවැත්වීමට ඉඩ නොතැබිය යුතු බවයි මන්ත්‍රීවරයා අවධාරණය කළේ.
