මෙරටට අවශ්‍ය ඖෂධවලින් සියයට 50 ත් 60ත් අතර ප්‍රමාණයක් 2025 වසර වන විට මෙරට තුළ නිෂ්පාදනය කිරීමට අවශ්‍ය පියවර ගන්නා බව සෞඛ්‍ය අමාත්‍ය කෙහෙලිය රඹුක්වැල්ල මහතා පවසනවා.
ගෝලීය ව්‍යසනය මධ්‍යයේ කොතරම් අභියෝග, දුෂ්කරතා පැමිණියද රටෙහි ජනතාවට කිසිදු ඖෂධ හිගයක් නොතබන බවයි සෞඛ්‍ය අමාත්‍යවරයා පෙන්වා දෙන්නේ.
අමාත්‍යවරයා මේ බව ප්‍රකාශ කළේ ගලගෙදර මැතිවරණ කොට්ඨාසයේ පැවති උත්සවයකට එක්වෙමින්.
රට තුළ ඖෂධ නිශ්පාදන ක්‍රියාවලිය මේ වන විට සාර්ථකව සිදු කෙරෙන බවත් ඒ අනුව රට අවශ්‍ය ඖෂධ මෙන්ම වෛද්‍ය උපකරණ රැසක් නිෂ්පාදය කිරිමට සැලසුම් කර ඇති බවත් අමාත්‍යවරයා එහිදී කියා සිටියා.
අනුරාධපුර ප්‍රදේශයේ ඖෂධ කර්මාන්ත ශාලා හතරක් ඉදිවෙන බවත් හොරණ කර්මාන්ත ශාලාවක වැඩ ආරම්භ කර ඇති බවටද එහිදී කරුණු අණාවරනය වුණා.
හොරණ කර්මාන්ත ශාලාව ඩොලර් බිලියන 15ක ආයෝජනයක් වනවා.
ඖෂධ නිෂ්පාදන කර්මාන්තශාලා මෙරට ආරම්භ කිරීම ආයෝජකයන්ට ලාභදායී වැඩපිළිවෙළක් බවත් එනිසා රට තුළ ඖෂධ නිෂ්පාදනය සඳහා උපරිම පහසුකම් සලසන බවත් සෞඛ්‍යය අමාත්‍යවරයා එහිදී වැඩිදුරටත් සදහන් කලා.
