මුතූර් තෝපූර් අල්ලෙනගර් ප්‍රදේශයේදී බෝම්බයක් වැනි දෙයක් පිපිරීමෙන් 15 හැවිරිදි ළමයෙකු මියගොස් තිබෙනවා.
නිවසෙහි ඇති කරන එලුවන් සඳහා ආහාර සොයා අසල පිහිටි පාලු ඉඩමකට ගොස් ගස්වල අතු කපමින් සිටියදී අද පස්වරුවේ මෙම අනතුර සිදුව ඇති බවයි පොලිසිය සඳහන් කලේ.
මෙහිදී බරපතල තුවාල ලැබූ ළමයා තෝපූර් රෝහලට ඇතුළත් කිරීමේදී මියගොස් තිබෙනවා.
සිද්ධිය සම්බන්ධයෙන් මුතූර් පොලිසිය වැඩිදුර විමර්ශන මෙහෙයවනවා.
