කොවිඩ් ආසාධිතයින් නිවෙස් වල රදවා තබා ගැනීමේදී කළ යුතු රාජකාරි සම්බන්ධයෙන් කිසිදු මාර්ගෝපදේශනයක් මේ දක්වා ලැබී නොමැති බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය අවධාරණය කරනවා.
එම සංගමයේ සභාපති උපුල් රෝහණ මහතා මාධ්‍යයට අදහස් දක්වමින් කියා සිටියේ කොවිඩ් ආසාදිතව නිවසේ සිට ප්‍රතිකාර ලබන රෝගීන් මහජන සෞඛ්‍ය පරීක්ෂකවරුන්ට සිය පැමිණිලි සිදුකිරීම හරහා මහජන සෞඛ්‍ය පරීක්ෂකවරුන් විශාල අපහහුතාවන්ට පත්ව ඇති බවයි.
නිවෙස් තුළ රැදීසිටින කොවිඩ් ආසාදිතයින්ගේ රෝග ලක්ෂණ උත්සන්න වීමක් සිදුවුවහොත් වහාම දැනුම් දිය යුත්තේ මහජන සෞඛ්‍ය පරීක්ෂකවරයාට නොව අදාළ සෞඛ්‍ය වෛද්‍ය නිළධාරියාට බවද උපුල් රෝහණ මහතා දැනුම් දුන්නා.
ඒ අනුව අදාළ සෞඛ්‍ය වෛද්‍ය නිළධාරියාව දැනුවත්කොට අවශ්‍ය ගිලන්රථ වෙන්කරගැනීමක් හෝ රෝහලක් වෙන්කර ගත යුතු බවයි උපුල් රෝහණ මහතා සදහන් කළේ.
