පූර්ණ එන්නත්කරණයට ලක්ව ඉන්දියාවේ සිට පැමිණෙන ශ්‍රී ලාංකික පුරවැසියන් මින් ඉදිරියට විදේශ අමාත්‍යංශයේ අනුමැතිය ලබා ගැනීම අනිවාර්ය නොවන බව සිවිල් ගුවන් සේවා අධිකාරිය පවසනවා.
එහි සභාපති උපුල් ධර්මදාස මහතා නිව්ස් රේඩියෝවට කියාසිටියේ ඔවුන්ට මෙරටට පැමිණි පසු ගුවන් තොටුපළේදී සිදුකරන PCR පරීක්ෂණයකට මුහුණදීමට පමණක් සිදුවන බවයි.
කෙසේවෙතත් ඉන්දියාව හැර අනෙක් රටවල සිට පැමිණෙන පුද්ගලයින් සදහා ක්‍රියාත්මක රෙගුලාසිවල කිසිදු වෙනසක් සිදු නොවන බවද උපුල් ධර්මදාස මහතා සදහන් කලා.
මීට අදාළව සෞඛ්‍ය සේවා අධ්‍යක්ෂ ජනරාල්වරයා විසින් නව මාර්ගෝපදේශන මාලාවක්ද නිකුත් කර තිබෙනවා.
