හිටපු ජනාධිපතිවරුන් වන ගෝඨාභය රාජපක්ෂ සහ මහින්ද රාජපක්ෂ ඇතුළු ශ්‍රී ලාංකිකයින් සිව්දෙනෙකුට කැනඩාවට ඇතුළුවීම තහනම් කරමින් එරට විසින් සම්බාධක පනවා තිබෙනවා.
අනෙක් ශ්‍රී ලාංකිකයින් දෙදෙනා වන්නේ මාණ්ඩලික සැරයන් සුනිල් රත්නායක සහ ලුතිනන් කමාන්ඩර් චන්දන ප්‍රසාද් හෙට්ටිආරච්චියි.
ශ්‍රී ලංකාවේ සිවිල් ගැටුම්වලදී මානව හිමිකම් කඩකළ බවට චෝදනා කරමින් කැනඩාව විසින් මෙලෙස ඔවුන්ට සම්බාධක පනවා තිබෙනවා.
එසේම කැනඩාව සමග ව්‍යාපාරික සම්බන්ධතා පැවැත්වීම ඔවුන්ට තහනම් වනවා.
යම් හෙයකින් ඔවුන්ට කැනඩාවේ යම් හෝ දේපළ ඇත්නම් ඒවා ද රාජසන්තක කෙරෙනු ඇති.
1983 සිට 2009 දක්වා වූ කාල සීමාව තුලදී ශ්‍රී ලංකාවේ ඇතිවූ සන්නද්ධ ගැටුම් වලදී දළ වශයෙන් සහ ක්‍රමානුකූලව මානව හිමිකම් උල්ලංඝනය කිරීම සම්බන්ධයෙන් වගකිව යුතු ශ්‍රී ලංකා රාජ්‍ය නිලධාරීන් හතර දෙනෙකුට එරෙහිව විශේෂ ආර්ථික පියවර පනතට අනුව ඉලක්කගත සම්බාධක පනවන බවයි කැනඩාවේ විදේශ කටයුතු අමාත්‍ය මෙලනි ජොලි නිවේදනයක් නිකුත් කරමින් සඳහන් කර සිටියේ.
විශේෂ ආර්ථික පියවර පනතට අනුකූලව රෙගුලාසි ලැයිස්තුගත පුද්ගලයින්ට ගනුදෙනු තහනමක් පනවයි, එමඟින් කැනඩාවේ ඔවුන් සතුව තිබිය හැකි ඕනෑම වත්කමක් තහනම් කිරීමට සහ සංක්‍රමණ හෝ සරණාගතයින් ආරක්ෂණ පනත යටතේ කැනඩාවට ඇතුල්වීමට අවසර හිමි නොවෙනු ඇති.
