මෙරට හෙරොයින් ඇතුළු මත්ද්රව්ය ජාවාරම සම්පූර්ණයෙන් ම මැඩලීම සඳහා සිංගප්පූරුවේ නීතිය මෙරට වහා ක්‍රියාත්මක කළ යුතු බව විපක්ෂ නායක සජිත් ප්‍රේමදාස මහතා 21 දින නාඋල දී පැවසීය
මේ වන විට රටම මෙන්ම පාසල් පද්ධතිය ද මත්ද්රව්ය වලින් පිරී ඉතිරී ගොස් තිබෙන බවත් වහාම ක්‍රියාත්මක වන පරිදි රටේ නීති පද්ධතිය වෙනස් කොට අධිකරණය ශක්තිමත් කළ යුතු බව විපක්ෂ නායක සජිත් ප්‍රේමදාස මහතා මෙහිදී සඳහන් කළේය.
විපක්ෂ නායකවරයා සක්වල වැඩසටහන් යටතේ නාඋල ශ්‍රී නාග ජාතික පාසල් වෙත රුපියල් ලක්ෂ 50 ක් වටිනවා බස් රථයක් පරිත්‍යාග කිරීමේ අවස්ථාවට එක් වෙමින් මෙරට පාසල් අධ්‍යාපනය පිළිබඳව මෙම අදහස් පළ කළේය
පාර්ලිමේන්තු මන්ත්‍රී රෝහිණී කවිරත්න මහත්මිය ගේ ඉල්ලීමක් අනුව රුපියල් ලක්ෂ 50ක පමණ මුදලක් වියදම් කරමින් මෙම පාසලට ලබා දුන් බස් රථය අතරමග සිට සජිත් ප්‍රේමදාස මහතා විසින් ධාවනය කරමින් විදුහල්පතිවරයා ඇතුළු පාසලට බස් රථයේ යතුර බාරදීම සිදු කෙරිණි
පසුව පැමිණ සිටි ජනතාව ඇමතූ වීපක්ෂ නායක සජිත් ප්‍රේමදාස මහතා කියා සිටියේ මෙරට අධ්‍යාපන පද්ධතිය සම්පූර්ණයෙන්ම වෙනස් ඩිජිටල් තාක්ෂණ ක්‍රමවේදයන් ඔස්සේ මෙරට දරුවන්ගේ අධ්‍යාපන ක්‍රමවේදය සම්පූර්ණයෙන්ම වෙනස් කොට නව අධ්‍යාපන ප්‍රතිපත්තියක් ක්‍රියාත්මක කළ යුයුතු බවත් මේ වන විට පවතින අධ්‍යාපන ක්‍රමවේදය සියල්ල යල්පැනගිය ඒවා බවද හෙතෙම අවධාරණය කළේය.
මේ වන විට මත් ්ද්‍රව්‍ය ඉහළම තැන්ක ලංකාව පත්ව තිබෙන බවත් මහා පරිමාණ මත්ද්රව්ය ජාවාරම්කරුවන් සොයනවා වෙනුවට පාසල් ළමුන්ගේ පොත් බෑග් පරික්ෂා කිරීම් ආණ්ඩුව සිදු කරන බවටද චෝදනා කළේය
එමෙන්ම සිරගෙවල් තුල සිට මෙම මත්ද්රව්ය ජාවාරම ක්‍රියාත්මක වන බවද හෙතෙම අවධාරණය කරන්නට විය .එමෙන්ම මෙරට දුම්කොළ සමාගම් වලින් රජයේ බලධාරීන් විසින් විවිධ වරදාන වරප්‍රසාද ලබා ගැනීම නිසා දුම්වැටිවලට බදු පැනවීමක් සිදු නොකරන බව ද අසරණ ජනතාවට බදු පනවන බව සජිත් ප්‍රේමදාස මහතා පෙන්වාදුන්නේය
මත්ද්රව්ය ජාවාරම තදින්ම පාසල් තුළ ක්‍රියාත්මක වන බවත් එය නැවැත්වීම සඳහා වහාම මෙරට නීති පද්ධතිය ශක්තිමත් කළ යුතු බවත් සිංගප්පූරුව මේ වන විට මත්ද්‍රව්‍යවලින් තොර රටක් බවත් එරට ජනාධිපතිවරයා ගෙන ආ තීන්දු තීරණ සහ නීතිය පිළිබඳව මෙරට අවධානය යොමු කොට කඩිනමින් මානව හිමිකම් පිළිබඳව අවධානය යොමු නොකොට රටේ අනාගතය භාර ගැනීමටට සිටින දරු පරපුර වෙනුවෙන් සිංගප්පූරුවේ නීතිය හෙරොයින් මත්ද්රව්ය මැඩලීම සඳහා යොදාගත යුතු බව තමන්ගේ අදහස බව ද හෙතෙම සඳහන් කරන්නට විය
මෙම අවස්ථාවේදී පාර්ලිමේන්තු මන්ත්‍රිනී රෝහිනී කවිරත්න මහත්මිය ද අදහස් දැක්වූවාය.
