බැසිල් රාජපක්ෂ මහතා මුදල් අමාත්‍ය ධූරයෙන් සහ පාර්ලිමේන්තු මන්ත්‍රිධුරයෙන් නෙරපා හරින්නැයි ඉල්ලමින් තමන් මේවනවිටත් අධිකරණයේ නඩුවක් පවරා ඇති බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රි විජේදාස රාජපක්ෂ මහතා පවසනවා.
යුගදනවි බලාගාරයේ කොටස් අමරිකානු සමාගමකට පැවරීමේ ගිවිසුම පදනම් කරගනිමින් තමන් මෙම නඩුව ගොණුකර ඇති බවයි මහනුවරදී අද (20) මාධ්‍යයට අදහස් දක්වමින් විජේදාස රාජපක්ෂ මහතා කියා සිටියේ.
යුගදනවි බලාගාරයේ කොටස් අමරිකානු සමාගමකට පැවරීම වැළැක්වීමට තමන් උපරිම කැපවීමෙන් කටයුතු කරන බවද මන්ත්‍රිවරයා අවධාරණය කළා.
නව ආණ්ඩුක්‍රම ව්‍යවස්ථාවක් සකස් කිරීම සදහාවන ක්‍රියාවලිය පිළිබදවද විජේදාස රාජපක්ෂ මහතා මෙහිදී අදහස් දැක්වුවා.
වත්මන් ආණ්ඩුව නව ආණ්ඩුක්‍රම ව්‍යවස්ථාවක් සකස් කිරීම සදහා අනුගමනය කරන ක්‍රියාවළිය හරහා සිදුවන්නේ පාර්ලිමේන්තුව හෑල්ලූවට ලක්වීම බවයි ඔහු පෙන්වා දුන්නේ.
