බස්නාහිර පළාත තුළ තවමත් එන්නත් ලබාගෙන නොමැති වයෝවෘද්ධ පුරවැසියන් හා විවිධ අවශ්‍යතා සහිත පුද්ගලයින් සඳහා ජංගම එන්නත්කරණ වැඩපිළිවෙලක් අද ආරම්භ වනවා.
ඒ ශ්‍රී ජයවර්ධනපුර පිහිටි යුධ හමුදා මූලස්ථාන පරිශ්‍රයේදීයි. යුධ හමුදා නිවාරණ වෛද්‍ය හා මානසික සෞඛ්‍ය අධ්‍යක්ෂ මණ්ඩලයේ අධීක්ෂණය යටතේ ශ්‍රී ලංකා යුධ හමුදා වෛද්‍ය බලකායේ වෛද්‍ය කණ්ඩායම් සමගින් විශේෂ ජංගම රථ 10 ක් මෙම කාර්ය සඳහා සූදානම් කර තිබෙනවා.
ඒ අනුව, මෙම ජංගම එන්නත්කරණය සිදුකර ගැනීමට අවශ්‍ය මහජනතාව 011 යි 2 යි 860 යි 002 හෝ 1906 යන දුරකථන අංක ඔස්සේ අමතා ලියාපදිංචි වීමෙන් එන්නත්කරණය සිදුකර ගැනීමේ හැකියාව හා වැඩිදුර තොරතුරු ලබාගැනිමේ හැකියාව පවතින බව යුධ හමුදාව නිවේදනය කලා.
