දිවයිනේ සෑම බන්ධනාගාර ආයතනයකම 2022 වර්ෂයේ ආරම්භයත් සමඟ විවිධ චෝදනා සම්බන්ධයෙන් බන්ධනාගාර ගත වන රැඳවියන්ගේ ප්‍රමාණය ක්‍රමයෙන් වර්ධනය වී ඇති බව බන්ධනාගාර දෙපාර්තමේන්තු සංඛ්‍යාලේඛණ දත්ත අනුව පෙනී යයි.
2021 වර්ෂයේ බන්ධනාගාර ගතවූ රැඳවියන් අතරින් 74% ප්‍රමාණයක් බන්ධනාගාර ගතවී ඇත්තේ මත්ද්‍රව්‍ය ආශ්‍රිත චෝදනාවන්ට බව සංඛ්‍යාලේඛණ දත්ත අනුව නිරූපණය වේ. ඒ අනුව, 2022.11.25 වන දින වන විට සමස්ථ බන්ධනාගාර පද්ධතිය තුල රැඳවියන් 26,000 කට වැඩි ප්‍රමාණයක් රඳවා ඇත.
මෙසේ බන්ධනාගාරගත වී ඇති රැඳවියන්ගේ ප්‍රමාණය පහත පරිදි වේ.
සමස්ථ සිරකරුවන් සංඛ්‍යාව = 10,000 (38%)
සමස්ථ සැකකරුවන් සංඛ්‍යාව = 16,000 (62%)
සමස්ථ රැඳවියන් සංඛ්‍යාව = 26,000
මත්ද්‍රව්‍ය ආශ්‍රිත චෝදනා හේතුවෙන් බන්ධනාගාර ගත වූ,
සමස්ථ සිරකරුවන් සංඛ්‍යාව = 4,600 (34%)
සැකකරුවන් සංඛ්‍යාව = 8,700 (65%)
සමස්ථ රැඳවියන් සංඛ්‍යාව = 13,300
බන්ධනාගාරගත රැඳවියන් අතරින් වැඩි පිරිසක්, එනම් 62% ක් පමණ සැකකරුවෝ වෙති. එසේම සැකකරුවන් අතරින් ද 65% කට අධික සංඛ්‍යාවක් බන්ධනාගාරගතව සිටින්නේ මත්ද්‍රව්‍ය ආශ්‍රිත චෝදනාවලට ලක්වීමෙනි. ඒ් අනුව, 2022 වර්ෂය තුල මේ වන විට මත්ද්‍රව්‍ය ආශ්‍රිත චෝදනාවලට ලක් වී බන්ධනාගාර ගත වී ඇති සිරකරුවන් හා සැකකරුවන් ප්‍රමාණය සමස්ථ රැඳවියන්ට සාපේක්ෂව සියයට 50% ඉක්මවා ගොස් ඇත.
දිවයින පුරා පිහිටි බන්ධනාගාර තුළ රැඳවිය හැකි උපරිම රැඳවියන් ප්‍රමාණය 13,200 පමණ වුවත් දැනට බන්ධනාගාර තුළ උපරිම ධාරිතාවය මෙන් දෙගුණයක් රැඳවියන් රඳවා ඇත. තවද, ඇතැම් බන්ධනාගාර තූළ මෙම ධාරිතාවය සියයට තුන්සියයක සීමාව ද ඉක්මවා ඇති බවට නිරීක්ෂණය වේ.
