ආණ්ඩුව දේශපාලන පළිගැනීම් සිදුකරන බව පවසා හිටපු අමාත්‍ය රිෂාඩ් බදියුදීන්ව ආරක්ෂා කිරීම සදහා විපක්ෂය ගන්නා උත්සහය හෙළා දකින බව අපනයන ප්‍රවර්ධන රාජ්‍ය අමාත්‍ය ජානක වක්කුඹුර මහතා පවසනවා.
ඇඹිලිපිටියේදී පැවති මාධ්‍ය හමුවකට අද පෙරවරුවේදී එක්වෙමින් ඔහු මේ බව කියා සිටියා. තරා තිරම නොබලා සැමට එකලෙස නීතිය ක්‍රියාත්මක කරන ලෙස පොලිස්පතිවරයාගෙන් තමන් ඉල්ලා සිටින බවයි එහිදි මාධ්‍ය අමතමින් ජානක වක්කුඹුර මහතා අවධාරණය කලේ.
මේ අතර නිරෝධායන රීති කඩකිරීම් යටතේ මංගල උත්සව සහ උද්ඝෝශණ රැලි සදහා නීතිය ක්‍රියාත්මක කිරීමේදී සිදුවන අසාධාරණ සම්බන්ධයෙන්ද ජානක වක්කුඹුර මහතාගේ විශේෂ අවධානය යොමු වුණා.
