විස්සයි 20 ලෝක කුසලාන ක්‍රිකට් තරගාවලියේ ඊයේ පැවති තරගවලින් ජය අත්කර ගැනීමට දකුණු අප්‍රිකාව සහ පකිස්ථානය සමත්වුණා.
බංග්ලාදේශ කණ්ඩායම කඩුලූ 06 කින් පරාජය කරමින් පහසු ජයක් අත්කර ගැනීමටයි දකුණු අප්‍රිකා කණ්ඩායම සමත් වූයේ.
පළමුවෙන් පන්දුවට පහර දුන් බංග්ලාදේශ කණ්ඩායමට පන්දුවාර 18 යි පන්දු දෙකකදී සියලූ දෙනා දැවී රැස් කළේ ලකුණු 84 ක් පමණයි. දකුණු අප්‍රිකා කණ්ඩායම පන්දුවාර 13 යි පන්දු 03 කදී කඩුලූ 04 කට ලකුණු 86 ක් රැස් කරමින් තරගයේ ජය වාර්තා කළා.
දකුණු අප්‍රිකානු කණ්ඩායම මෙම තරගය ජය ගැනීමත් සමග මෙවර විස්සයි 20 ලෝක කුසලාන තරගාවලියේ අවසන් පූර්ව වටය සඳහා ශ්‍රී ලංකාවට තිබූ අවසන් බලාපොරොත්තුව ද බිද වැටුණා.
මේ අතර නැමීබියාව සමග ඊයේ පැවති තරගයෙන් ලකුණු 45ක ජයක් හිමිකරගැනීමට පකිස්ථාන කන්ඩායම සමත් වුනා.
කාසියේ වාසිය දිනූ පකිස්ථානය පළමුවෙන් පන්දුවට පහරදීමට තීරණය කළ අතර ඒ අනුව පන්දුවාර 20 අවසානයේ කඩුලු 2ක් පමණක් දැවී ඔවුන් රැස්කල ලකුණු සංඛයාව 189ක්.
ලකුණු 190ක ජයග්‍රාහී ඉලක්කයක් හඹාගිය ඔවුන් නියමිත පන්දුවර 20 අවසානයේ කඩුලු 5ක් දැවී රැස් කලේ ලකුණු 144ක් පමණයි.
මෙවර පන්දුවාර 20 ලෝක කුසලානයේ පළමු කාණ්ඩයේ පෙරමුනේ පසුවන්නේ එංගලන්තයයි.
පකිස්ථානය දෙවන කාණ්ඩයේ පෙරමුණේ පසුවනවා.
